ភ្នំពេញ៖ នាយករដ្ឋមន្ត្រីកម្ពុជាសម្ដេចតេជោ ហ៊ុន សែន បានលើកឡើងថាច្បាប់បោះឆ្នោតថ្មីនិងរឹតបន្តឹងចំពោះសកម្មភាពទាំងឡាយណាដែលបំផ្លាញនូវសិទ្ធិរបស់ប្រជាពលរដ្ឋ។

ថ្លែងនៅក្នុងជំនួបជាមួយនឹងកម្មករជិត ២ម៉ឺននាក់ ព្រឹកថ្ងៃទី១៤ ខែមិថុនា ឆ្នាំ២០២៣ សម្ដេចតេជោ ហ៊ុន សែន បានលើកឡើងថាបន្ទាប់ពីបានដឹងពីចេតនារបស់ក្រុមប្រឆាំងដែលផ្គើនជាមួយនឹងប្រសាសន៍របស់សម្ដេច ការរៀបចំច្បាប់ថ្មីដែលរដ្ឋមន្ត្រីក្រសួងមហាផ្ទៃនិងរដ្ឋមន្ត្រីយុត្តិធម៌កំពុងធ្វើនៅថ្ងៃនេះ ក៏នឹងបន្ថែមកំណត់រឹតបន្តឹង និងការពិន័យទៅលើអ្នកដែលញុះញង់ជំរុញឲ្យពលរដ្ឋមិនទៅបោះឆ្នោតឬចុះឈ្មោះបោះឆ្នោតផងដែរ។

បន្ថែមលើនោះផងដែរសម្ដេចបានលើកឡើងថា ការទទួលបញ្ជាពីក្រុមប្រឆាំងពីខាងក្រៅលើបក្សនយោបាយមួយដែលអនុវត្តតាមនឹងឈានទៅដល់ការរំលាយគណបក្សនយោបាយនោះផងដែរ៕